– प्रेमनारायण आचार्य
सन्धिखर्क, अर्घाखाँची १३ चैत । अर्घाखाँचीको सदरमुकाम सन्धिखर्कमा जिल्लामै अहिले सम्मकै सबै भन्दा ठुलो राष्ट्रिय स्तरको भलिवल प्रतियोगिता आयोजनागर्न लागेको अर्घाखाँची युबा परिसदको तयारी तथा ब्यबस्थापन बैठक सम्पन्न भएको छ ।
अर्घाखाँची युवा परिषद सनिधखर्कले सदरमुकाम सन्धिखर्कमा नयाँ वर्षको अबसर पारेर चैत्र २७ गते देखि राष्ट्रब्यापी खुल्ला भलिवल प्रतियोगिताको आयोजना गर्न लागेको छ ।
खेलको प्रचारप्रसारलाई तीव्र पारि राष्ट्रिय स्तरका टिमहरुलाई सहभागि गराउन राष्ट्रिय स्तरका टिमलाइ पत्राचार तथा खबर गर्ने कामलाइ निरन्तरता दिने र अन्य ब्यबस्थापनलाइ अझ मजबुद बनाउने बैठकले निणर्य गरेको परिसदका अध्यक्ष कृष्ण प्रसाद भुसालले बताए । बैठकले राष्ट्रब्यापी भलिबल प्रतियोगीताको लागि परिसदका आजीबन सदस्य नरबहादुर रायमाझि (नरेश) ले एक लाख ११ हजार एक सय ११ रुपैया आर्थिक सहयोग गरेकोमा हार्दिक धन्यबाद ज्ञापन गरेको छ ।
भलिबल प्रतियोगीतामा प्रथम हुने टिमलाइ एक लाख रुपैया नगद सहित शिल्ड , मेडल र प्रमाण पत्र , द्धितीय हुने टिमलाइ ५० हजार रुपैया नगद र प्रमाण पत्र र तृतीय हुने टिमलाइ २५ हजार रुपैया नगद र प्रमाण पत्र प्रदान गरिने परिसदका अध्यक्ष भुसालको भनाइ छ ।
जिल्लालाई राष्ट्रिय रुपमा परिचित गराइ आन्तरिक पर्यटनमा टेवा पु-याउनुका साथै भलिवल प्रेमी दर्शकहरुलाई भलिवल खेलको भरपुर मनोञ्जन प्रदन गर्ने उद्देश्यले खेलको आयोजना गर्न लागेको परिसदको सचिब डिल्लीराज खनालले बताए ।
बैठक अर्घाखाँची युबा परिसदका अध्यक्ष कृष्णप्रसाद भुसालको अध्यक्षतामा सम्पन्न भएको हो ।
चैत्र १३ गते, २०७० मा प्रकाशित
