खन, सन्धिखर्क, पणेना र जलुकेका बिभिन्न ठाउँमा आगलागी

सन्धिखर्क, अर्घाखाँची (२०७० चैत्र १५ शनिवार) । अर्घाखाँची जिल्लाको खन, सन्धिखर्क, पणेना र जलुकेका बिभिन्न ठाउँमा आगलागी भएको छ। 

आज शनिबार साँझ खन गाबिस वार्ड नं. १ मधुसिटौला गाउँका टोप बहादुर नेपालीको घरमा आगलागी भएको छ। आगोले घर पूर्ण रुपमा नष्ट भएको छ भने लाख रुपैया बराबरको नोक्सान भएको छ। उक्त आगलागी नियन्त्रण गर्न स्थानिय चौकीबाट प्रहरी पुगेका थिए ।  

यसैगरी पणेनामा आगलागी हुँदा कम्तिमा ५ घर घरगोठ जलेका छन् । आगलागी पीडित परिवारलाई खाना र बस्नको समस्या भएको छ । 

आगोबाट के कति नोक्सानी भएको अझै थाहा हुन सकेको छैन ।

यसैगरी हिजो शुक्रबार साँझ सन्धिखर्क वार्ड-८ को कुर ठुलो खैर्रेमा आगोलागी भएको थियो । सुख्खा याम सुरु भएसँगै अर्घाखाँची जिल्लामा आगलागीका घटना बढन थालेका छन।