प्रवेश सुवेदीको अध्यक्षतामा अनलाइन पत्रकार संघको चौथो अधिवेशनले नयाँ कार्यसमिति चयन गरेको छ। अधिवेशनले सर्वसम्मतरुपमा उपाध्यक्षमा सावित्री घिमिरे, सचिवमा कञ्चन अधिकारी र कोषाध्यक्षमा शिवप्रसाद सत्याललाई चयन गरेको छ।
सदस्यहरुमा सुरज अधिकारी, विनोद विक्रम केसी र राजन नेपाल चयन भएका हुन् ।
अधिवेशनले नेपाल पत्रकार महासंघको केन्द्रीय प्रतिनिधिमा सुदर्शन घिमिरे, कुबेर चालिसे, रामप्रसाद दाहाल, बाबुराम अर्याल, नरदेव पाण्डेय, सरोज काफ्ले, केपी ढुंगाना, धर्मराज भुषाल, राजकुमार श्रेष्ठ, ऋषिकेश दाहाल, अजयबाबु सिवाकोटी, छत्र शंकर र रविन्द्र सुवेदीलाई चयन गरेको छ।
अधिवेशनमा नेपाल पत्रकार महासंघका पूर्व अध्यक्ष विष्णु निष्ठुरी, अनलाइन मिडिया एशोसियनका अध्यक्ष दिनेश बस्नेत, आर्थिक पत्रकार समाजका अध्यक्ष विज्ञान अधिकारी र नेपाल पत्रकार महासंघका केन्द्रीय सदस्य प्रकाश थापा लगायतकाको उपस्थिति थियो। SETOPATI
चैत्र १६ गते, २०७० मा प्रकाशित
