चौतारा, चैत्र २३ – काठमाडौंबाट सिन्धुपाल्चोकको भोटाङ जाँदै गरेको जीप थाङ्पालधाप गाविस १ सिंहाले भन्ने ठाउँमा दुर्घटना हुँदा ५ यात्रुको मुत्यु भएको छ । दुर्घटनामा घाइते दुई यात्रुको उपचारका लागि काठमाडौं लगिएको छ ।
मृत्यु हुनेमा चार महिला र एक पुरुष छन् । उनीहरुको परिचय खुलेको छैन् । एक जनालाई सामान्य चोट लागेको छ । जीपमा ८ जना सवार थिए । जीप सडकबाट तीनसय मिटर तल खसेको थियो । दुर्घटना १ बजे भएको हो ।
दुर्घटनाबारे थप विवतरण आउन बाँकी छ ।
EKANTIPUR
प्रकाशित मिति: २०७० चैत्र २३
चैत्र २३ गते, २०७० मा प्रकाशित
