चैत्र २३ । जोर्डनको शरणार्थी शिविरमा रहेका सिरियाली शरणार्थी र सुरक्षाकर्मीबीच झडप हुँदा २२ जना घाइते भएका छन् ।
शिविर छाडेर भाग्न खोज्ने शरणार्थीलाई रोक्ने क्रममा भएको झडपमा २२ जना सुरक्षाकर्मी घाइते भएका हुन् । सिरियाली शरणार्थीले शिविरमा खानापानीकै उचित ब्यवस्था नभएको भन्दै केही महिनादेखि असन्तुष्टी जनाउँदै विश्व समुदायको ध्यान आकृष्ट गर्दै आएका थिए ।
माग सुनुवाई नभएको भन्दै सयभन्दा बढी शरणार्थी शिविरबाट भाग्न खोजेपछि झडप भएको हो । केही शरणार्थीले सुरक्षाकर्मीको सवारी साधनमा आगजनी गरेपछी सुरक्षाकर्मीले धरपकडसमेत गरेका छन् । जोर्डनको जातरी क्याम्पमा मात्रै एक लाख ६ हजार शरणार्थी छन् भने उनीहरुको स्थिति निकै नाजुक रहेको बताइएको छ । -एजेन्सि
चैत्र २३ गते, २०७० मा प्रकाशित
