सिरहा, चैत्र २९ । सिरहाको रामनगरस्थित मिर्चैया-३ बाट स्वचालित हतियार सहित प्रहरीले आठ जनालाई पक्राउ गरेको छ । पक्राउ पर्नेहरुमा रामनगर मिर्चैयाका बद्री यादव, धनेश्वर यादव, राजकुमार महतो, दिपेन्द्रकुमार साह, बोरा मुखिया, धिरेन्द्र कुमार मण्डल छन् ।
त्यस्तै, फुलकाहाकटिका सञ्जय शर्मा र इटारी पर्साहीका लेखनाथप्रसाद यादव रहेका छन् । पक्राउ परेकाहरुबाट एक थान इटालीयन नाइन एमएमाको स्वचालित पेस्तोल, एक थान कटुवा पेस्तोल, पांच राउण्ड गोली र म्यागजिन बरामद भएको प्रहरीले जनाएको छ ।
उनीहरुबाट भारतीय सिमकार्ड तीन थान समेत बरामद गरिएको छ । उनीहरु रामनगर मिर्चैया-३ स्थित सिकन्दर साहको घर भाडामा लिएर बस्दै आएका थिए । सुराकीको आधारमा प्रहरीले गएराती १२ बजे छापा मारेर उनीहरुलाई पक्राउ गरेको जनाएको छ ।
जिल्लामा भईरहेको विभिन्न आपराधिक कृयाकलापमा उनिहरु संलग्न रहंदै आएको प्रहरीको दावी छ । प्रहरीले आज दिउंसो पत्रकार सम्मेलन गरी उनिहरुलाई सार्वजनिक गर्दैछ । IMAGEKHABAR
चैत्र २९ गते, २०७० मा प्रकाशित
