रौतहट, वैशाख १३ । रौतहटको जुडिबेला गाविसस्थित सहिद स्मृति पार्कमा एक युवतीमाथि सामूहिक बलात्कार गरेको आरोपमा प्रहरीले चार जनालाई पक्रेको छ ।
पक्राउ पर्नेमा धुनषा भुचक्रपुर-९ का कनकलाल माझी, जुडिबेला-५ का सुवास कुँवर, जुडिबेला-४ का धीरेन्द्र धामी र सञ्जय धामी छन् । दुई जना भने फरार रहेको प्रहरीले जनाएको छ । पक्राउ परेका चारै जनालाई प्रहरीले सार्वजनिक गरेको छ ।
अभियुक्त कनकलाल माझीले संकेत नम्बर ३२ चपुर (झ) उल्लेख भएकी १८ वर्षीय युवतीलाई चन्द्रनिगाहपुरबाट उनको घर पुर्याइदिने बहानामा जुडिबेलाको सहिद पार्कमा पु-याएर सामूहिक बलात्कार भएको हो ।
बसको प्रतीक्षामा रहेकी ती युवतीलाई माझीले बा३०प १८२२ नम्बरको मोटरसाइकलमा चढाएर उक्त पार्क पुर्याएको ईलाका प्रहरी कार्यालय चन्द्रनिगाहपुरका प्रहरी नायबवउपरीक्षक प्रकाश रानाभाटले जानकारी दिए । – IMAGEKHABAR
बैशाख १३ गते, २०७१ मा प्रकाशित
