नरपानी-जगत विभत्स दुर्घटना: वावु आमालाई वराह क्षेत्रको तिर्थ गराउने धोको सदाका लागि पुरा भएन डाक्टर आचार्यको ! अमेरिका उड्ने सपना टुटायो

 

२०७१ बैशाख १९ शुक्रबार  । उनिहरुका परिवार पहिल्लै देखि अध्यात्मिक थिए । वुधवार पनि उनिहरु धर्म कर्म कै लागि यात्रा गर्दै थिए । छोराले आमा वुवा र हजुर आमालाई तिर्थ गराउन लैजादै थिए । सुनसरीको वराह क्षेत्रमा यति वेला लागिरहेको कुम्भ मेलको तिर्थ-धर्ममा जानका लागि वुधवार सन्धीखर्कबाट १२ वजे वुटवल तर्फ जाँदै गरेको लु १ ख ६२३१ नम्वरको वसमा चढे उनिहरु ।

सदरमुकाम सन्धीखर्कबाट करिव १ घण्टा सम्म ति परिवार आपसमा वारीपारी वसेर भालाकुसरी गर्दै थिए । बाँच्न सफल एक जना घाईते भन्छन् अफ्ठ्यारो भयो कि भनेर सोध्धै पनि थिए छोराले आमा वुवा र ति हजुर आमालाई । वस तिब्र गतिमा थियो । यात्र करिव एक घण्टा गरिदै थियो । वस नरपानीको जगतामा पुग्दै थियो । उताबाट त्यसरी नै तिब्र गतिमा ट्रक आयो र ठोक्कीएकै थाह नपाउने गरी वस ट्रक दुवै एकै साथ गल्र्याम्गुर्लुम तल खसे ।

वुवा आमा।।ए छोरा ए छोरी….ए मेरो हजुर….यस्तै यस्तै आवाज , च्वाचङ्ग र चुचुङ्ग रुवावासी मच्चीयो । ति मध्येका एक थिए अरु मानिसलाई उपचार गरेर बचाउने डाक्टर । तर उनलाई बचाउने त्यहाँ कोही हुन् सकेन । न त उनले तिर्थ गराउन हिडालेका आमा वुवा र हजुर आमा नै बचाई दिने कोही भई दिए । उनि थिए अर्घाखाँची अस्पतालका डाक्टर विष्णु आचार्य ।

अर्घाखाँचीको वाङ्गला २, आदित्यपुरका ४५ वर्षिय डाक्टर आचार्यले धेरै पहिल्लै देखि वावु आमालाई वराह क्षेत्रको तिर्थ गराउने धोको पालेका थिए । तर दुर्भाग्य वराह क्षेत्रमा पुगेर आज त्यो धोको पुरा गराउनु पर्ने डाक्टर आचार्य र उहाँकी ६० वर्षिया आमा मिनादेवि, ७१ वर्षिय पिता जनार्दन आर्चाय र हजुर आमा पर्ने शान्ता आर्चाय यि चारै जनाको शव यो पंक्ति लेखी रहँदा मथुरावेसीमा लहरै दाहसंस्कार गरिदै थियो ।

उनका काकाको छोरा भरत आचार्य वोल्न सक्ने अवस्थामा नभएको हुँद धेरै प्रयास पछि डाक्टर आचार्य र उनका समाज सेवी पिताका वारेका केही वोले । डाक्टर आचार्यका दुई भाई मध्ये स्थानिय शिक्षक रहेका माईला भाई नारायण आर्चायले मात्र दागबत्ति दिदै थिए । कान्छा भाई प्रकाश जापान र एक मात्र वहिनी प्रमिला फेरी अमेरिकामा रहेको बताइयो । पिता जनार्दन आचार्य पुर्व प्रधानपञ्च देखि विभिन्न क्षेत्रको समाज सेवामा मात्र चर्चित नभएर पण्डीत्याईको क्षेत्रमा पनि किनै चर्चा पाएको र प्रतिष्ठा कमाएको ब्याक्ति रहेको उनै भतिजा भरत आचार्यले बताए ।

काठमाण्डौंको बुढानिलकण्ठ स्कुलबाट एसएलसी पास पश्चात महारजगाञ्ज स्थित शिक्षण अस्पतालबाट पहिला हेल्थ अशिस्टेन र पछि एमविविएस सकेर डाक्टर आचार्य आफ्नै गाउँवासीको सेवा गर्ने अठोट लिएर काठमाण्डौं छाडेर सन्धीखर्क दुई वर्ष अघि मात्र आएका थिए । केहि समय जिल्ला अस्पताल र गत डेढ वर्ष देखि ९प्राईवेट ० अर्घाखाँची अस्पतालमा कार्यरत रहेका उनले छोटो समय मै धेरैलाई प्रभावित पारेका थिए । यसरी भर्खर जिल्लावासीको सेवामा तल्लीन भई रहेको वेला नियतिले उनलाई र वुवा आमा नै पनि चुड्यो ।

त्यस्तो अकल्पनिय पतिवियोगको खवरले काठमाण्डौबाट घर आएकै थाह नपाएकी ु भएकी उनकी धर्म पत्नी कल्पना र एक मात्र सन्तान उनकी १२ वर्षिय छोरी आकंक्षा मुर्छित छन् घरमा ।

यसरी धर्म कर्ममा हिडेकाका ति आचर्य परवारका चार जनाको ज्यान गयो भने यता उनैहरुको उद्धार गर्न हिडेकाको पनि ज्यान गयो । यो कहालीलाग्दो दुर्घटनाले एकै परिवारका चार जना आचार्य सहित १९ जना मृतकका आफन्तजन यति वेला भावविह्ल छन् यति वेला । त्यस्तै कैयौं गम्भीर घाईतेहरुको अवस्थाले आफन्तजनको आँशु रोकिएको छैन ।

 

अमेरिकाको डिभी पर्दा कति खशुी हुन्छ मान्छे रु सोध्नै पर्दैन खुशीको सिमा हुन्न त्यो ब्याक्ति अनि उसको आफन्तजन समेत बेहद खुशीमा हुन्छन र उड्ने दिन गन्दै बसेका हुन्छन् । त्यस्तै खुशीमा दिन गन्दै बसेका थिए र अमेरिका उडानका लागि काठमाण्डौको यात्रा गर्दै थिए बुधवार अर्घाखाँचीको वस दुर्घटनामा ज्यान गुमाउने गणेशबहादुर वेलवासे दम्पत्तीले पनि ।

 

ठाडा ३ , अमराई बजारस्थि घरमा बुधवार विहान बुढाबुढी बाबु आमाले उनिहरुलाई लौं तिमीहरुले मनले चिताएको पुगोस् छोरा-बुहारीहरु।।।।।।।, अनि ए नातिनी नबिर्से है हाम्लाई ।।।।।। भन्दै विदाईको टिका र आशिर्वाद दिएका थिए । जुन दम्पत्तीको अमेरिका उड्ने विदाईको त्यो टिका ओभाउन नपाउँदै त्यस दुर्घनामा परी सदाका लागि विदा हुनु प-यो । ४४ वािर्षय गणेशबहादुर वेलवासे र ३५ वर्षिया उनकी श्रीमति अनिता वेलवासे एकै साथा त्यस दुर्घटनामा ज्यान गुमाउदा उनकी १२ वर्षिया छोरी अपेक्षा भने जिवित रहन सफल भएकी छन् ।

 

आमा कै काँखमा रहेकी उनलाई खै ति आमाले कहाँनिर मिल्काउन सकेर होला उनि आफु श्रीमान संगै यो संसार छाडे पनि एक मात्र सन्तान अर्थात आफुहरुको प्रतिमुर्ती ति छोरी यसै संसारमा राख्न सफल भईन् ।

 

आँखामा समान्य चोट लागेकी उनि घर आई पुगेकी छन् । आज विहान सम्म त आफ्ना वुवा आमा गुमेका होलान भन्ने थाह थिएन उनलाई तर आज जव बाबु आमाको एकै साथ दाहसंस्कार गरियो र घरमा क्रियाक्रम सुरु भयो तव उनलाई थाह भयो र टुट्यो संगै काँखमा बसेर मम्मी डयाडीसंग अमेरिका उड्ने सपना ।

 

उनिहरु यहि बैशाख २७ गते अमेरिका उड्ने टिकट हातमा लिएर केहि दिन अघि मात्र घर आई वावु आमाको विदाई आशिर्वाद लिएर बुधबार दिउँसो १२ वजेको त्यस बसमा काठमाण्डौ फर्किदै थिए ।

 

ठाडा ज्याति बहुमुखी क्याम्स प्रमुख रहेका वेलवासेलाई केहि नपुग्दो त थिएन तर साथीहरुको लहलहैमा डिभी भरेर परेपछि सपनाको देश अमेरिका नउड्ने त कुरै भएन् । त्यो पनि आफु मात्रै हो र रु श्रीमति अनिता र १२ वर्षिया छोरी अपेक्षा समेत ।

 

सोही दिन उनले वाङला स्थित आफ्नी दिदी हिरा भुसाललाई समेत भेटेर विदाई आशिर्वाद लिएर फर्किएका थिए । उनी आफु अमेरिका जाने भए पछि विस वर्ष पछि काठमाण्डौमा रहेका कोठाका सवै सामानहरु पनि घर ल्याएर थन्काएका थिए ।

उनि ललितुरको कुमारीपाटीस्थित आदर्श विद्या मन्दिर लगायत काठमाण्डौंका विभिन्न शैक्षिक संस्थाहरुमा एक दशक भन्दा बढि समय देखि शिक्षण पेशा गर्दै आई रहेका थिए । ठाडा ज्याति क्याम्पसमा भने उनि दुई वर्ष देखि क्याम्पस प्रमुख रहँदै आई रहेका थिए । त्रिचन्द्र कलेजबाट विएससी र एमए गरेको उनि केहि समय विश्व खाद्य कार्यक्रममा समेत काम गरेका थिए ।

ठाडा ज्याति क्याम्सका शिक्षक विष्णु भट्टराई भन्छन् अमेरिका उड्ने भए पछि उहाँले क्याम्सका प्रत्येक विद्यार्थी, शिक्षक कर्माचारी र हिड्नको अघिल्लो दिन राती र विहान सम्म छिमेकीको घर घरमा पुगेर विदाई भेट गरेर हिडनु भएको थियो ।  उनि मुटु भक्कानाउँदै थप्छन- गणेश सरलाई भर्खर दाह संस्कार गरेर फर्किए पनि मृत्यु भए होला जस्तो लाग्दैन् ।