बैशाख २९ गते, २०७१ मा प्रकाशितवैशाख २९ । भारतमा लोकसभा निर्वाचनअन्तर्गत आज नवौं तथा अन्तिम चरणको मतदान सम्पन्न भएको छ । विहार, उत्तर प्रदेश र पश्चिम बंगालका ४१ निर्वाचन क्षेत्रमा मतदान भएको हो ।
भाजपाले कट्टर हिन्दूवादी छवि बनाएका नेता मोदीलाई प्रधानमन्त्रीका रुपमा अघि सारेको छ । कांग्रेसका राहुल गान्धी पनि प्रधानमन्त्रीका आकांक्षी त मानिएका छन् तर सरकार बनाउने गरी नतिजा आफ्नो पक्षमा पार्न कांग्रेसलाई गाह्रो पर्ने चुनावी सर्वेक्षणहरुले देखाएका छन् ।
अर्कातिर भ्रष्टाचारविरुद्धको मुद्दालाई उठाएर चर्चामा आएको केजरीवालको आम आदमी पार्टीको भविष्य पनि यही निर्वाचनले तय गर्नेछ । १ अर्ब २० करोड जनसंख्या रहेको भारतमा पाँच साता लगाएर नौ चरणमा सम्पन्न निर्वाचनमा ८० करोडभन्दा बढी मतदाताले आफ्नो मताधिकार प्रयोग गरेका छन् । (एजेन्सी)
अन्य समाचारहरु
