बैशाख ३० गते, २०७१ मा प्रकाशितछाडातन्त्र भएको छ,प्रजातन्त्र अचेल भरि
सद्भावना डगमगायो,आऊ न फेरि गौतम बुद्ध
काम,क्रोध,लोभ,मोह,व्याप्त भयो जताततै
हत्या हिंसा जुर्मुरायो,आऊ न फेरि गौतम बुद्ध
कुकर्मका बोट सवै,फुलेका छन् मुस्कुराउँदै
सदाचार नै अक्मकायो,आऊ न फेरि गौतम बुद्ध
बलिया बाङ्गा ढाल्न थाले,सद्प्रेमका खम्वा सबै
थिचोमिचो सल्बलायो,आऊ न फेरि गौतम बुद्ध
बिकृति र विसंगति बढी सके अचाक्ली नै
‘कोमल’ मुटु भतभतायो,आऊ न फेरि गौतम बुद्ध
