कोलोम्बियामा बालबालिका चढेको बसमा आगलागी हुँदा ३२ जनाको मृत्यु भएको छ । कोलोम्बियाको उत्तरी सहर फन्डेकियनको चर्चमा प्रार्थना सकाएर फर्केका बालबालिका चढेको बसमा भएको आगलागीमा उनीहरुको मृत्यु भएको हो ।
३८ जना क्षमता रहेको बसमा ५० जना रहेको र बसमा चढेका सबै बालबालिकाको उमेर १४ वर्षमुनि भएको बताइएको छ ।
१८ जनालाई भने उद्धार गरिएको छ । आगलागीको कारण भने थाहा हुन सकेको छैन । (एजेन्सी)
जेष्ठ ५ गते, २०७१ मा प्रकाशित
