काठमाडौं, जेष्ठ ११ । आगामी असार ८ गते हुने उपनिर्वाचनका लागि आज विभिन्न दलका नेताहरुले आफ्नो उम्मेदवारी दर्ता गराएका छन् । कांग्रेस र एमालेका दुई नेताले दुई-दुई स्थानबाट निर्वाचन जितेको निर्वाचन क्षेत्र मध्ये काठमाडौ-२, चितवन-४, बर्दिया-१ र कैलाली-६ मा प्रत्यक्ष प्रणालीतर्फ उपनिर्वाचन हुन लागेको हो ।
सबै क्षेत्रमा उम्मेदवारी दर्ता गराउने क्रम चलिरहेको छ । काठमाडौं क्षेत्र नम्बर २ मा नेकपा एमालेका कृष्णगोपाल श्रेष्ठ, एनेकपा माओवादीका लिलामणी पोखरेललगायत उम्मेदवारले आ-आफ्नो उम्मेदवारी मनोनयन दर्ता गराएका छन् ।
नेपाली कांग्रेसका उम्मेदवार दीपक कुईकेलले पनि निर्वाचन कार्यालय राष्ट्रियसभा गृहमा उम्मेदवारी दर्ता गराउँदैछन् । उम्मेदवारी दर्ता गर्नुअघि दलहरु -याली निकालेर सभागृह पुगेका थिए । IMAGEKHABAR
जेष्ठ १२ गते, २०७१ मा प्रकाशित
