जेष्ठ २२ गते, २०७१ मा प्रकाशितधादिङ, जेष्ठ २२ – सदरमुकाम हुँदै त्रिपुरेश्वर गाविसको खहरेबाट सल्यानकोट गाविसतर्फ गिटी लिएर जाँदै गरेको बा ३ ख २९२७ नम्बरको ट्रक बिहीबार साँझ दुर्घटना हुँदा ३ जनाको मृत्यु भएको छ ।
जिल्ला प्रहरी कार्यालय धादिङका अनुसार मृत्यु हुनेमा सल्यानकोट-४ का ११ वर्षीया सुन्दरी वस्याल, ५२ वर्षीया मिरा नेपाली र ९ वर्षका रविन्द्र राना छन् । दुर्घटनामा ५ जना घाईते भएको प्रहरीले जनाएको छ । घाइते हुनेमा सल्यानकोट-४ कै प्रकाश बोगटी, कुमार राना, दिपक परिवार र आगिञ्चोक-८ का रामशरण भण्डारी रहेका छन् । भण्डारीले चालक रहेको प्रहरीले जनाएको छ ।
दुर्घटनापछि स्थानिय प्रहरी र स्थानियबासीले उद्धार गरेका थिए । ट्रक सडकबाट करिब एक सय मिटर तल खसेको प्रहरी नायब उपरीक्षक प्रकाश मल्लले जानकारी दिए । घाईतेहरु सबैलाई उपचारका लागि धादिङ जिल्ला अस्पताल ल्याइएको छ ।
EKANTIPUR
प्रकाशित मिति: २०७१ जेष्ठ २२
अन्य समाचारहरु
