अफगानिस्तानमा भीषण वर्षापछि आएको बाढीमा परी सत्तरी जनाभन्दाबढीको मृत्यु

जेष्ठ २५ । अफगानिस्तानमा भीषण वर्षापछि आएको बाढीमा परी सत्तरी जनाभन्दाबढीको मृत्यु भएको छ । केही बेपत्ता भएका छन् । उत्तरी अफगानिस्तानको बैगलान प्रान्तमा अचानक बाढी आउँदा करीब दुई हजार व्यक्ति आफ्ना घर छाडेर अन्यत्र सरेका छन् । मारिनेमा महिला र बच्चाको संख्या अधिक रहेको प्रहरीले जनाएको छ ।

हालैका दिनमा पनि यस्तै बाढीबाट त्यहाँ दर्जनौं व्यक्ति मारिइसकेका छन् । स्थानीय अधिकारीहरुले तत्काल सहायता सामाग्री पठाउन केन्द्र सरकारसँग माग गरेका छन् । मे महिनाको शुरुवाततिर बादाखशान प्रान्तको उत्तरपूर्वमा आएको पहिरोमा परी करीब तीन सय घर पुरिएको थियो भने सयौं व्यक्ति मारिएका थिए । AGENCIES