काठमाडौ । देशका बिभिन्न चार स्थानमा भएका संविधानसभा सदस्य उप निर्वाचन शान्तिपूर्ण रुपमा सम्पन्न भएको छ ।
काठमाडौ क्षेत्र नम्बर २, बर्दिया १, कैलाली ६ र चितवन ४ मा उप निर्वाचन क्षेत्रमा उपनिर्वाचन भएको हो । बिहान सात बजेबाट प्रारम्भ भएको मतदान प्रक्रिया बेलुकी ५ बज सम्पन्न भएको हो ।
चारै निर्वाचन क्षेत्रका सबै मतदान केन्द्रहरुमा बिद्युतीय मेशिनबाट मतदान गर्ने व्यवस्था मिलाइएको थियो । उपनिर्वाचनका सबै मतदान केन्द्रहरुमा मतादाताको उपस्थिति उत्साहप्रद रहेको थियो ।
४ निर्वाचन क्षेत्रमा विभिन्न राजनीतिक दलका ६० र १६ जना स्वतन्त्र गरी ७६ जना उम्मेदवार मैदानमा उत्रिएका थिए । चारवटा क्षेत्रमा एक सय ३७ मतदान स्थल, ३ सय २४ मतदान केन्द्र र झण्डै साढे ३ हजार कर्मचारी परिचालन गरिएको थियो ।
विद्युतीय मेसिनबाट मतदान हुने भएकाले २४ घण्टा भित्रै परिणाम आउने आयोगले जनाएको छ । RSS
आषाढ़ ८ गते, २०७१ मा प्रकाशित
