आफ्नै श्रीमती हत्या गरी फरार भएको भन्दै कास्कीको ढिकुरपोखरीका एक व्यक्तिलाई प्रहरीले पक्राउ गरेको छ ।
यहि असार १३ गते राती श्रीमती बिन्दु केसीको हत्या गरी भागेका विनोद केसीलाई चितवनबाट पक्राउ गरिएको प्रहरीले जनाएको छ ।
श्रीमतीको हत्यापछि, भागेर चितवन पुगेका केसीलाई चितवन प्रहरीसँगको समन्वयमा पक्राउ गरिएको जिल्ला प्रहरी कार्यालय कास्कीका प्रहरी नायव उपरीक्षक केदार रजौरेले जानकारी दिनुभयो ।
प्रहरीले उनलाई चितवनको दिव्यनगरबाट पक्राउ गरेको हो । पक्राउ परेका केसीलाई पोखरा ल्याई कास्की जिल्ला अदालतबाट कर्तव्य मुद्दामा म्याद थप गरिएको छ । केसीले केही समयअघि पनि विभिन्न अपराधमा संलग्न रहेको अभियोगमा पक्राउ परी सजाय भोगिसकेका थिए ।
आषाढ़ ३२ गते, २०७१ मा प्रकाशित
