श्रावण १४ । इराकमा सुन्नी ईस्लामिक विद्रोही समूह आईएसआईएसले दर्जनौं व्यक्तिलाई बन्दी बनाई हत्या गरेका छन् । उक्त नृशंस दृश्यको उनीहरु आफैले भिडियो बनाई जारी गरेका छन् ।
३० मिनेटको उक्त भिडियोमा नकाब लगाएका बन्दूकधारीहरुले युवाहरुको एक समूहलाई नदीमा धकेल्दै गरेको देखाइएको छ । ईदको दिन हिजो जारी गरिएको उक्त भिडियोमा ती युवालाई गोली हानेर वा धक्का दिई दिई पानीमा फालेको देखिन्छ ।
बन्दी बनाइएका ती युवा सैनिक थिए वा सर्वसाधारण भन्ने प्रष्ट नभएपनि शिया समुदायका भएको बताइएको छ । आफूहरुविरुद्ध युद्ध लड्न खोजे यस्तै गरिदिने चेतावनी भिडियोमा इराकी सैनिकहरुलाई दिइएको छ । AGENCIES
श्रावण १४ गते, २०७१ मा प्रकाशित
