नेपालको संसदमा ऐतिहासिक सम्बोधन गर्दै भारतीय प्रधानमन्त्री नरेन्द्र मोदीले नयाँ संविधान जारी गरेर नेपालले विश्वलाई हिंसा त्यागी शान्तिपूर्ण बाटो रोज्नुपर्ने प्रेरणा दिने विश्वास व्यक्त गरेका छन्।
संविधानसभाको समेत काम गर्दै आएको संसदमा बोल्दै उनले एक सार्वभौम नेपालले हिमालयको उचाई जतिको प्रगति गरेको हेर्न चाहेको बताए।
नेपाली मामिलामा हस्तक्षेप गर्ने मनसाय नरहेको भन्दै उनले विकासमा साझेदार हुन चाहेको उल्लेख गरे।
नेपालको सार्वभौमसत्ताप्रतिको सम्मान तथा बुद्ध नेपालमा जन्मिएको भन्ने अभिव्यक्ति पटक-पटक दिएका मोदीले आफ्नो सम्बोधनको प्रारम्भिक भाग नेपालीमै गरेपछि सुरुमै धेरैको मन जितेका थिए।
जनताका प्रतिनिधिले संविधान लेख्न पाउनु सौभाग्यको विषय भएको भन्दै उनले नेपालको संविधानसभाले जारी गर्ने नयाँ संविधानले सबै नेपाली जनताको चाहनालाई समेट्ने विश्वास व्यक्त गरे।
साथै नेपालको अभ्यास विश्वकै निम्ति उदाहरणीय हुनसक्ने उनले उल्लेख गरे।
उनले भने,
श्रावण १९ गते, २०७१ मा प्रकाशित
