सिन्धुपाल्चोक , श्रावण १८ – सुनकोशी थुनिने गरी आएको पहिरोले पुरिएका बेपत्ता भएका टेकनपुरका नैनबहादुर खत्रीको परिवारका ११ जनाको कुश राखेर दहसंस्कार गरिएको छ । करिव १ सय ८० घर पुरिएको आशंका गरिएको त्यस क्षेत्रमा अझै उद्धार टोली पुग्न सकेको छैन ।
पहिरोको तल्लको क्षेत्रमा मारिनेको संख्या भने आइतवार दिउँसोसम्ममा १० पुगेको छ । शनिबार ८ जनाको शव र एक जनाको हात मात्र भेटिएको थियो भने आइतवार दिउँसो थप एक जना भेटिएको हो ।
सिन्धुपाल्चोकका प्रमुख जिल्ला अधिकारी गोपालप्रसाद पराजुलीका अनुसार उद्धार टोलील डोजर लगेर पानीको निकास खोल्ने तथा बेपत्ताहरुको खोजी कार्यलाई जारी राखेको छ । उनले टेकनपुर क्षेत्रमा पनि उद्धार टोली जाँदै गरेको बताए । EKANTIPUR
श्रावण १९ गते, २०७१ मा प्रकाशित
