धादिङ, भाद्र ५ । पृथ्वीराजमार्ग अन्र्तगत धादिङको वेनिघाट गाउं विकास समिति वडा नम्बर १ मा त्रिसुली नदीमा ट्रक खस्दा एक जनाको मृत्यु भएको छ । दुर्घटनामा चालक सहित ८ जना गम्भीर घाइते भएका छन् ।
काठमाडौंबाट विरगञ्ज जाँदै गरेको ना १ ख ८१८२ नम्बरको ट्रक अनियन्त्रीत भई गएराती त्रिशुली नदीमा खसेर दुर्घटना भएको हो । मृत्यु हुनेमा पर्साका २० वर्षिय अजय माझी रहेका छन् ।
घाइतेहरु सबैको काठमाडौं स्थित मेगा अस्पतालमा उपचार भईरहेको जिल्ला प्रहरी कार्यलय धादिङले जनाएको छ । रातीको समयमा अनियन्त्रत भएर सडकबाट करिब एक सय मिटर तल त्रिसुली नदीमा खसेको ट्रकको आधा भाग पानीमा डुबेको छ । IMAGEKHABAR
भाद्र ५ गते, २०७१ मा प्रकाशित
