अर्जुन भुसाल
हंसपुर, अर्घाखाँची मंसिर २१ । अर्घाखाँची जिल्लाको हंसपुर गाविस विपिगौंडामा भएको बस दुर्घटनामा १३ जना घाइते भएका छन् ।
जिल्ला सदरमुकामबाट गुल्मीको पुर्कोट दहका लागि छुटेको लु १ ख ५७५९ को वस हंसपुर गाविस वडा नं. ५ विपिगौडामा दुर्घटना हुँदा १३ जना घाइते भएका हुन ।
तस्बिर: अर्जुन भुसाल, अर्घाखाँचीडट्कम
दुर्घटनामा परि घाइते हुनेहरुमा:
नवलपरासीका राम हरिजन, गुल्मी पुर्कोटदहकी कमला परियार, भोज वहादुर परियार, झविन्द्र घिमिरे, सिता भट्टराई, अर्घाखाँची हंसपुरकी पवित्रा दर्जी, प्यूठान सैतामारेकी टोपला घिमिरे, गुल्मी पुर्कोटदहका पुष्पा थापा, डाडडाडेका विष्णु थापा मधु पुन, मञ्जु चन्द, राधिका थापा, र प्यूठान वाङ्गेमरौठका रमेश सुनार घाइते भएको प्रहरीलाई उदृत गर्दै स्थानीय पत्रकार इन्द्र रेग्मीले बताए ।
घाइतेहरुको जिल्ला अस्पताल अर्घाखाँचीमा उपचार भइरहेको छ । सवारी चालक फरार छन् । डोजरले सडक खन्दै गरेकाले ग्रेड नमिलेकाले दुर्घटना भएको हुन सक्ने प्रहरी प्रमुख डिएसपि दीपेन्द्र जिसीले बताए ।
मंसिर २१ गते, २०७१ मा प्रकाशित
