फुदवाङमा रहेको साना किसान कृषि सहकारी सस्था लिमिटेडको कार्यालय ।
फुदवाङ, अर्घाखाँची । अर्घाखाँची जिल्लाको सन्धिखर्क नगरपालिका – ९ फुदवाङमा साना किसान कृषि सहकारी सस्था लिमिटेडको दशौ वार्षिक साधारण सभामा आज भएको निर्वाचनमा अध्यक्ष पदमा पुन: सिद्दीराज भट्टराई ( भले चिन्ह) निर्वाचित भएका छन ।
भट्टराईले ४२५ मत प्राप्त गरेका थिए भने उनका प्रतिद्न्दी एमालेका लक्ष्मण कडेल (बोको चिन्ह) ले २०७ मत लिएर पराजय भएका हुन । भट्टराई मसाल ( राष्ट्रिय जनमोर्चा) को तर्फबाट उठेका थिए ।
यसैगरी उपाध्यक्ष्य पदमा रामलाल खनाल ( चुनाव चिन्ह केराको घरी) ले ३७१ मत लिई विजय भएका छन भने उनका प्रतिद्न्दी चन्द्रावती पोखेरेल ( अङ्गुरको फल चिन्ह)ले २२५ मत लिएका थिए ।
भट्टराई र खनालले एउटा प्यानलबाट चुनाव लडी विजय भएका हुन ।
जम्मा भोटर सन्ख्या ७७८ मध्ये ६६५ भोट् खसेका थिए भने २५ मत बदर भएका थिए ।
मंसिर २७ गते भएको साधारण सभामा सहमती हुन नसकेपछि आज सो मतदान भएको हो । आज मतदान बिहान ८ बजे शुरु भई ५ बजे सम्म भएको थियो ।
पौष ५ गते, २०७१ मा प्रकाशित
