सप्तरी । नेकपा एमाले सप्तरीले राजविराजमा निकालेको जुलुस र एमाओवादी मोर्चाबीच बुधबार झडप हुँदा एकजना घाइते भएका छन् ।
पार्टी कार्यालयबाट निकालिएको जुलुस नगर परिक्रमा गरी फर्किनेक्रममा स्थानीय सहिद दशनचोकमा मोर्चाको जुलुससँग झडप हुँदा टाउकोमा ढुंगा लागेर एमाले जिल्ला सदस्य शुभकलाल राम घाइते भएका हुन् ।
मंगलबार बन्द रहेको एमाले पार्टी कार्यालयमा एक समूहले आगजनी गर्दा करिब पाँच लाखको क्षति भएको पार्टीले जनाएको थियो ।
आगजनी गर्नेलाई कारबाहीको माग गर्दै निकालिएको जुलस नगर परिक्रमा गर्नेक्रममा सहिद दशनचोकमा ३३ दलीय मोर्चा र एमाले कार्यकर्ताबीच झडप भएको हो । IMAGEKHABAR
माघ ७ गते, २०७१ मा प्रकाशित
