अर्जुन भुसाल
नरपानी, अर्घाखाँची । नेपाल प्रेस युनियन लुम्बिनी अञ्चलको भेला फाल्गुन १ र २ गते जिल्लाको पर्यटकीय स्थल नरपानीमा हुने भएको छ ।
सन्धिखर्क नगरपालिका वडा नं. ७ मा रहेको पर्यटकीय स्थल नरपानीको प्रचारप्रसारका लागि भेलाको आयोजना गर्न लागिएको युनियनले जनाएको छ । युनियन अर्घाखाँचीले भेलाको लागि तयारी तीब्र पारेको छ । लुम्बिनी अञ्चल समितिको आयोजनामा हुन लागेको भेलालाई युनियन अर्घाखाँचीले संयोजन गर्ने भएको छ ।
भेला सफल पार्न नेपाली कांग्रेसका जिल्ला सभापति सभापति कमलप्रसाद भुसालको प्रमुख आतिथ्यतामा शाखाको बैठक बसेर विभिन्न उप-समिति गठन गरेको प्रेस युनियन अर्घाखाँचीका सभापति सुर्यप्रसाद भुसालले जानकारी दिए । भेला सम्पन्न पार्न प्रेमनारायण आर्चायको संयोजकत्वमा आर्थिक उपसमिति, रुद्रमणि भुसालको संयोजकत्वमा प्रचारप्रसार, तराप्रसाद खनालको संयोजकत्वमा अतिथि सत्कार र अशोक पौडेलको संयोजकत्वमा खाद्य व्यवस्थापन उपसमिति गठन गरिएको छ ।
भेलाको उद्घाटनको लागि सूचना तथा सञ्चारमन्त्री डा मिनेन्द्र रिजाललाई आमन्त्रण गर्ने वैठकले निर्णय गरेको प्रेस युनियनका सचिव नेत्रप्रसाद मरासिनीले बताए । भेलामा प्रेस युनियनका केन्द्रिय अध्यक्ष बद्री ुिसग्देल , महासचिव अजयबाबु सिवकोटी, क्षेत्रिय संयोजक प्रदिप काफ्ले सचिव केवि राना लगायतको उपस्थिति रहने युनियनले जनाएको छ ।
माघ २४ गते, २०७१ मा प्रकाशित
