अर्जुन भुसाल
सन्धिखर्क, अर्घाखाँची । दुर्घटना न्यूनिकरणका लागि ट्राफिक चेतनासँगै विभिन्न सन्देश मूलक जानकारी प्रवाह गर्नका लागि जिल्ला सदरमुकाम सन्धिखर्कको शान्तिवगैंचामा एल.इ. डि वोर्ड जडान गरिएको छ । अर्घाखाँची युथ सेवाले वोर्ड उपलव्ध गराएको हो ।
जिल्ला ट्राफिक प्रहरी कार्यालयलाई युथ सेवाले एक कार्यक्रमको आयोजना गरि वोर्ड हस्तान्तरण ग-यो । वोर्ड मार्फत विभिन्न खाले चेतनामूलक सन्देश दिन सकिने सेवाका सल्लाहकार प्रदिप नेपालीले बताए । उनले युथ सेवाले विभिन्न खाले सामाजिक कामहरु गर्दै आइरहेको भन्दै आगामी दिनमा पनि गर्दै जाने बताए । वोर्ड मार्फत शान्तिवगैंचा क्षेत्रको तापक्रम समेत हेर्न सकिन्छ ।
ट्राफिक प्रहरी प्रमुख विधुर तिमिल्सिनाले शान्तिवगैंचा क्षेत्र शन्धिखर्कको मुटु भएको भन्दै यस क्षेत्रमा वोर्डको निकै आवश्यकता भएको बताए । उनले एलइडि वोर्डबाट धेरै नागरिक सुसूचित हुने विश्वास लिएको बताए ।
माघ २४ गते, २०७१ मा प्रकाशित
