अज्ञात हवाई हमलामा अफ्रिकी मुलुक नाइजरमा ३७ जनाको ज्यान गएको छ । नाइजेरिया र नाइजरको सीमा अवदम गाउँमा मलामीमा सहभागीहरुमाथि बमबारी भएको थियो ।
नाइजेरियाली सेनाले आतंकवादी समूह बोको हरामका तीनसय भन्दा बढी कार्यकर्ता मारेको दाबी गरेलगत्तै बमबारी भएको बताइएको छ ।
बोको हरामले आतंकबादी हमला तीव्र पारेपछि नाइजेरियाली सेनाले पनि बोको हरामबिरुद्ध आक्रामक कारबाही अघि बढाएको छ ।
नाइजेरियाको उतरपूर्वी क्षेत्रमा पकड जमाएर बसेका बोको हरामका कार्यकर्तामाथि नाइजेरियाली सेनाले गरेको आक्रमणमा थुप्रै घाइते भएका छन् ।
सेनाले बोको हरामका केही कार्यकर्तालाई हतियारसहित पक्राउ गरेको छ । नाइजरमा बारम्बार अज्ञात समूहले हवाई आक्रमण गर्ने गरेका छन् । (एजेन्सी)
फाल्गुन ७ गते, २०७१ मा प्रकाशित
