सुनसरी । सप्तरीको मालपोत कार्यालयका नासु राजेन्द्रकुमार साह सेवाग्रहीसँग घुस लिँदै गरेको अवस्थामा अख्तियारको फन्दामा परेका छन् ।
अख्तियार दुरुपयोग अनुसन्धान आयोगको पूर्वान्चल क्षेत्रीय कार्यालयको टोलीले शुक्रबार कार्यालयमै सेवाग्राहीसँग ५० हजार रुपैयाँ घुस लिएको अवस्थामा साहलाई रंगेहात पक्राउ गरेको हो ।
नासु साहले सेवाग्राहीसँग पटक-पटक घुस मागेपछि सेवाग्राहीले अख्तियारको क्षेत्रीय कार्यालय इटहरीमा उजुरी दिएका थिए ।
उजुरीपछि अख्तियारका अधिकृत गोकुल निरौलाको नेतृत्वमा खटिएको टोलीले साहलाई रंगेहात पक्राउ गरेको हो । इमेजखबरमा समाचार छ ।
फाल्गुन १५ गते, २०७१ मा प्रकाशित
