प्रेमनारायण आचार्य
सन्धिखर्क, अर्घाखाँची । अर्घाखाँचीको पटौटी गाविसबाट १७ केजी गाजा सहित गाजा कारोबारमा सम्लग्न ३ जनालाई प्रहरीले पक्राउ गरेको छ ।
बिशेस सुराकी र अनुसन्धानको आधारमा पटौटी २ निवासी रामलाल नेपालीको गोठमा छापा मार्दा लुकाइछिपाइ राखेको १७ केजी गाजा सहित ३ जनालाइ पक्राउ गरेको जिल्ला प्रहरी कार्यलय अर्घाखाँचीका प्रहरी नायब उपरिक्षक दिपेन्द्र जिसिले बताउनु भयो ।
प्रहरीले गाजा कारोबारमा संलग्न पटौटी २ का रामनारायण नेपाली, रुपन्देही सालझण्डीका प्रेमबादुर रेस्मी र निजकी श्रिमती तुलसा रेस्मीलाइ पक्राउ गरेको हो ।
गाँउमा नेपालीले गाजा संकलन गर्ने र सालझण्डीका रेस्मी दम्पत्तीले सो गाजालाइ बुटबल र भैरहबामा बिक्री गर्ने गरेको र गाजा खरिद गर्न आएको अबस्थामा पक्राउ गरिएको प्रहरी निरिक्षक युबराज तिमिल्सिनाले बताउनु भयो ।
पक्राउ गरिएका ३ जनाको बारेमा थप अनुसन्धान भैरहेको जिल्ला प्रहरी कार्यलय अर्घाखाँचीले बताएको छ । जिल्लाबाट तराइका जिल्लाहरु र भारतका नाका समेत नजिक पर्ने भएकाले अर्घाखाँचीबाट गाजाको बढि तस्करी हुने गरेको छ ।
फाल्गुन १६ गते, २०७१ मा प्रकाशित
