कास्कीको गुन्टेचौरबाट पोखरा आउदै गरेको यात्रुबाहक बस दुर्घटना हुँदा ५ जनाको मृत्यु

पोखरा  – कास्कीको गुन्टेचौरबाट पोखरा आउदै गरेको यात्रुबाहक बस दुर्घटना हुँदा ५ जनाको मृत्यु भएको छ । बसमा सवार ४४ जना घाइते भएको प्रहरीले जनाएको छ । घाइतेमध्ये ७ जनाको अवस्था गम्भीर छ ।

घाइतेहरुको मणिपाल शिक्षण अस्पताल, गण्डकी मेडिकल कलेज र सहारा अस्पतालमा उपचार भइरहेको छ ।

ग१ख ४८४९ नम्बरको बस पोखरा सराङकोृटको मगर गाउँमा सडकबाट २ सय मिटर तल खसेको थियो । कास्कीका प्रहरी प्रमुख हरिबहादुर पालले जानकारी दिए अनुसार मृत्यु हुनेमा कास्कीकोट काउलेका हरिबहादुर खत्री, कास्कीकोट गुन्टेचौरकी गोमा लुइँटेल, सराङकोट ३ का लेकबहादुर हमाल, सेदीकी तारा थापा, सराङकोटका दीवस तिमल्सिना छन् । तिमल्सिना यो बर्षको एसएलसी दिने तयारीमा थिए । ईकन्तिपुरमा समाचार छ ।