चितवन । चितवनको पहाडी क्षेत्र लोथरमा प्रहरी र गाँजा तस्करबीच दोहोरो भिडन्त भएको छ । भिडन्तमा एक गांजा तस्करको मृत्यु भएको छ ।
मकवानपुरबाट ठुलो मात्रामा गाँजा लोथरतर्फ ल्याइंदै गरेको सूचनाका आधारमा गएराती चितवनबाट गएको प्रहरीको टोली र गांजा तस्करबीच भिडन्त भएको हो ।
राती ११ बजेतिर मनहरी, पिप्ले र काकडा गाविसको सिमाना दोभान नजिकै तस्करहरुले प्रहरीलाई लक्षित गर्दै अन्धाधुन्ध फायरिङ सुरु गरेपछि प्रहरी कारवाहीमा एक गांजा तस्करको मृत्यु भएको हो ।
मृतक तस्करको सनाखत कुन सकेको छैन । आक्रमणको शैली हेर्दा तस्करहरु ठुलो संख्यामा रहेको प्रहरी नायव उपरीक्षक राजन अधिकारीले जानकारी दिए ।
सो क्रममा प्रहरीले १ थान हतियार र केही राउन्ड गोली बरामद गरेको छ । यस्तै, फायरिङ गर्दै फरार भएका अन्य तस्करहरुको खोजि भैरहेको प्रहरीले जनाएको छ । इमेजखबरमा समाचार छ ।
फाल्गुन २३ गते, २०७१ मा प्रकाशित
