काठमाडौं । विश्व शान्ति र मित्रता कायमका लागि भन्दै विश्वका १ सय ९३ देश र संयुक्त राष्ट्रसंघको झन्डा विश्वको सर्वोच्च शिखर सगरमाथामा फहराइने भएको छ ।
विश्व शान्ति मितेरी मन्चको अगुवाइमा पर्वतारोही फुर्वाठिले शेर्पाले संयुक्त राष्ट्रसंघका सदस्य राष्ट्रहरुको झन्डासहित सगरमाथा आरोहण गर्न लागेका हुन् ।
मन्चले बुधबार राजधानीमा पत्रकार सम्मेलन गरी शेर्पा चैत्र २८ गते काठमाडौंबाट ती राष्ट्रहरुको झन्डासहित सगरमाथातर्फ प्रस्थान गर्ने जनाएको हो ।
उनले आगामी जेठभित्र सगरमाथा आरोहण गर्ने र आरोहणका क्रममा १ सय ९३ ओटै देशका झन्डा सगरमाथाको चुचुरोमा फहराउने पनि बताइएको छ ।
आरोहणपछि सगरमाथा शिखरमा पुर्याइएका झन्डा सम्बन्धित राष्ट्र र राष्ट्रसंघ मुख्यालयमा पठाइने मन्चका अध्यक्ष विनय शाक्यले जानकारी दिए । – इमेजखबरमा समाचार छ ।
चैत्र २५ गते, २०७१ मा प्रकाशित
