बारा, वैशाख ५ । बाराको करैया गाउँ विकास समिति वडा नम्बर-७ मा एक ५ वर्षीय बालकको अपहरणपछि हत्या भएको छ ।
हत्या हुनेमा बजनीका बच्चुप्रसाद यादवको छोरा नितेसकुमार यादव रहेका छन् । शुक्रबार साँझ ५ बजेदेखि हराएका बालकको शव राति पौन १० बजे नजिकैको मकैबारीमा फेला परेको थियो ।
टाउकोमा गम्भीर चोट लागेको र घरबाट करिब २५ मिटरको दुरीमा रहेको मकैबारीमा बालकको शव फेला परेपछि स्थानीय त्रसित भएका छन् ।
जिल्ला प्रहरी कार्यालय कलैयाबाट गएको प्रहरी टोलीले बालकको हत्यामा संलग्न रहेको आशंकामा एकजनालाई पक्राउ गरेको छ । पक्राउ पर्नेमा भारतको बिहारस्थित इनर्वा बस्ने ४० वर्षीय टुनटुन महत्तो रहेका छन् ।
महतो केही वर्षदेखि करैयामै बस्दै आएका थिए । घटनाबारे थप अनुसन्धान भइरहेको जिल्ला प्रहरी कार्यालय बाराका प्रहरी नायव उपरीक्षक रविन्द्र रेग्मीले जानकारी दिए । इमेजखबरमा समाचार छ ।
बैशाख ५ गते, २०७२ मा प्रकाशित
