काठमाडौ – वैदेशिक रोजगार व्यवसायी संघका पूर्वअध्यक्ष सोमलाल बटाजुको स्वाइन फ्लुका कारण आइतबार राति काठमाडौंमा निधन भएको छ ।
६८ वर्षीय बटाजु स्वाइनफ्लुको संक्रमण भएपछि दुईसाता अघि ग्राण्डी अन्तर्राष्ट्रिय अस्पतालमा भर्ना भएका थिए । चर्चित एसओएस म्यानपावरका सञ्चालक समेत रहेका बटाजुको गएराति १ बजेर २० मिनेटमा निधन भएको अस्पतालका मेडिकल डाइरेक्टर डाक्टर चक्रराज पाण्डेले जानकारी दिएका छन् ।
बटाजु ग्राण्डी अन्तर्राष्ट्रिय अस्पतालमा भर्ना हुन आँउदा नै गम्भिर अवस्थामा आएका र उनलाई स्वाइन फ्लुको संक्रमणले कडा निमोनिया भएको र मल्टिपल अर्गान फेलियरका कारण उनको निधन भएको उपचारमा संलग्न चिकित्सकहरुले बताएका छन् ।
इपिडिमियाेलाेजी तथा राेग नियन्त्रण महाशाखाका अनुसार स्वाइन फ्लुबाट काठमाडाैंमा निधन भएका बटाजु अाठाैं व्यक्ति हुन् । ईकन्तिपुरमा समाचार छ ।
बैशाख ७ गते, २०७२ मा प्रकाशित
