काठमाडौं – शनिबार नेपालमा गएको शक्तिशाली भूकम्पमा परी मर्नेको संख्या २५ सयभन्दा बढी पुगेको छ ।
प्रहरी प्रधान कार्यालयले आइतबार साँझ साढे ६ बजे दिएको जानकारी अनुसार काठमाडौंमा ७७७, भक्तपुरमा २२४, ललितपुरमा १५१ को मृत्यु भएको छ ।
यसैगरी पूर्वाञ्चलमा ५०, मध्यमाञ्चलमा १०१७, पश्चिमाञ्चलमा २०९ र मध्यपश्चिममा २ जनाको मृत्यु भएको प्रहरीले जनाएको छ । भूकम्पबाट विशेषगरी काठमाडौं उपत्यका, सिन्धुपाल्चोक, रसुवा, दोलखा, धादिङ, गोरखालगायतका जिल्ला प्रभावित छन् ।
महाभूकम्पमा देशका विभिन्न स्थानमा ५ हजार ९ जना घाइते रहेको प्रहरीले जनाएको छ ।
शनिबार नेपालका विभन्न स्थानलाई केन्द्र बनाई शक्तिशाली भूकम्प जाँदा ऐतिहासिक संरचनासहित ठूलो मानवीय र भौतिक क्षति भएकोहो ।
महाभुकम्पमा ज्यान गुमाएका परिवारलाई प्रतिब्यक्ति ४० हजार रूपैयाँ किरिया खर्च दिने निर्णय सरकारले गरेको छ।
अर्थ मन्त्री रामशरण महतका अनुसार किरिया खर्च स्वरूप उक्त रकम दिन लागिएको हो।
बैशाख १३ गते, २०७२ मा प्रकाशित
