काठमाडौ – व्यवस्थापिका संसदले भूकम्पले निम्त्याएको विपत्तिमा एकतावद्ध भएर सामना गर्दै पूनर्निमाणमा लाग्ने प्रतिवद्धता सहितको संकल्प प्रस्ताव पारित गरेको छ । बिहीबार बसेको बैठकले सर्वसम्मत ढंगल संकल्प प्रस्ताव पारित गरिएको हो ।
त्यस्तै महाभूकम्पमा परी ज्यान गुमाएका पूर्व सांसद चक्रबहादुर ठकुरीप्रति शोक प्रस्ताव समेत पारित गरेको छ । संसद बैठक भोलि १ बजे बस्ने छ । भोलि बोलाइएको संविधानसभा बैठक जेठ २ गतेलाई सारिएको छ । ईकन्तिपुरमा समाचार छ ।
काठमाडौं । महाभूकम्पपछिको विपत् व्यवस्थापनको चुनौतिको सामना गर्न व्यवस्थापिका संसदको बैठकमा सरकारले संकल्प प्रस्ताव ल्याएको छ ।
सिन्धुपाल्चोकमा । तस्बिर: एपी
प्रमुख दलहरुको सहमतिमा सरकारले भुकम्प पीडितलाई राहत र पुननिर्माणको विशेष संकल्प प्रस्ताव पेश गरिएको हो ।
प्रस्तावमा अल्पकालिन र दिर्घकालिन पुननिर्माण योजना गरिएको छ ।
यसैबीच, हिजो साँझ वालुवाटारमा बसेको सत्तारुढ दलहरुको बैठकले पीडितलाई तत्काल राहत दिदैं दिर्घकालिन रुपमा सुरक्षित आवासमा सार्न तीन तहको योजना बनाउने निर्णय गरेको छ ।
यद्यपी सत्तारुढ दलहरुको योजनामा विपक्षी एकिकृत माओवादी लगायतका अन्य दलहरुसँग छलफल हुन बाँकी छ । संकल्प प्रस्तावलाई अन्तिम रुप दिन अहिले बालुवाटारमा प्रमुख तीन दलको बैठक बसिरहेको छ ।
यसपछि संविधानसभामा प्रतिनिधित्व गर्ने सबै दलको सहमति लिई योजना सार्वजनिक गर्ने योजना सरकारले बनाएको छ ।
यदि आजको बैठकमा संकल्प प्रस्ताव पेश गर्न नभ्याइए स्वर्गीय पूर्व सभासद् चक्रबहादुर ठकुरीको निधनमा शोक प्रस्ताव पारित गरी भोलिलाई बैठक तय गरिनेछ । इमेजखबरमा समाचार छ ।
बैशाख २४ गते, २०७२ मा प्रकाशित
