काठमाडौंमा । तस्बिर: एपी
काठमाडौं । महाभूकम्पबाट मृत्यु भएकाहरुको चीर शान्तिको कामना गर्दै विहीबार राजधानीमा विभिन्न कार्यक्रमहरुको आयोजना गरिएको छ ।
महाभूकम्प गएको १३औं दिन पुगेको अवसरमा काठमाडौंको दरबार स्क्वायरमा जम्मा भएका सर्वसाधारणहरुले विनाशकारी भूकम्पवाट मृत्यु भएकाहरुको आत्मा शान्तिको कामना गरे ।
यसैगरी, विहीबारै विभिन्न धार्मिक संघ-संस्थाहरुले पनि महाभूकम्पबाट दिवंगत भएकाहरुको आत्मा शान्तिका लागि प्राथर्ना गर्नुका साथै घाइते भएकाहरुको शीघ्र स्वास्थ्यलाभको कामना गरे ।
कार्यक्रमका सहभागी धर्मगुरुहरुले विपत्को बेला सबै मिलेर एकापसमा सहयोग र उद्धार गरी मानवीय धर्म पूरा गर्न सम्पूर्ण नेपालीसँग आग्रह गरेका छन् । इमेजखबरमा समाचार छ ।
बैशाख २४ गते, २०७२ मा प्रकाशित
