इस्लामिक आतंकवादी समूह आइएसले अफगानिस्तानका १० जना तालिबानीहरुको शीर छेदन गरी हत्या गरेका छन् ।
अफगानिस्तानको खुफिया विभागका एक अधिकारीका अनुसार देशको पूर्वी क्षेत्रमा तालिबानी र आइएस कार्यकर्ताबीचको भीषण संघर्षका क्रममा तालिबानीको क्रूरतापूर्वक हत्या भएको हो ।
यता, अफगानी तालिबानले भने यस समाचारको खन्डन गर्दै आफ्नो कार्यकर्ता आइएसको भिडन्तमा मारिएको जिकिर गरेको छ ।
यसै महिनाको जनवरीमा आइएसले अफगानी तालिबानका पूर्वप्रवक्ता हाफिज सइद खानलाई अफगानिस्तान र पाकिस्तानका लागि कमान्डर नियुक्त गरेको थियो ।
पछिल्लो समय आइएस लडाकू र तालिबान लडाकूबीच भीषण संघर्ष हुँदै आएको छ । (एजेन्सी)
जेष्ठ २२ गते, २०७२ मा प्रकाशित
