सन्धिखर्क, अर्घाखाँची । अर्घाखाँची जिल्लाको सन्धिखर्क नगरपालिका – ८ स्थित खाँचीकोट काउलेचौर नजिकबाट प्रहरीले २ जनालाई भरुवा बन्दुकसहित पक्राउ गरेको छ ।
प्रहरीका अनुसार सन्धिखर्क- ७ बाहाखोला घर भएका २० वर्षीय आशिष सुर्यबंशी र २० वर्षीय राजु सुर्यबंशीलाई बिहीबार पक्राउ गरेको छ ।
प्रहरी चौकी नरपानीबाट खटिएको प्रहरीले लु ३ प ५३८४ नंबरको मोटरसाइकल चेकजांच गर्दा लाईसेन्स नभएको उक्त बन्दुक फेला पारी आशिष र राजुलाई मोटर साइकल सहित नियन्त्रणमा लिएको थियो ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
आषाढ़ १० गते, २०७२ मा प्रकाशित
