प्रेमनारायण आचार्य
सन्धिखर्क, अर्घाखाँची १४ असार । अन्तर पाटी महिला सञ्जाल अर्घाखाँचीको आयोजनामा स्थानीय निकायमा महिला सहभागीता र समाबेसी निति बिषयक अन्तरक्रिया कार्यक्रम सन्धिखर्कमा सम्पन्न भएको छ ।
कार्यक्रममा जिल्ला बिकास समितिका कार्यक्रम अधिकृत हरिस्चन्द्र भुसालले स्थानीय निकायका सबै कार्यक्रम तथा गतिबिधिमा महलिाहरु सक्रिय भएर लाग्नु पर्ने बताउनु भयो ।
कार्यक्रममा नेपाली काग्रेसका बिष्णु भुसाल, एमालेका जनार्दन खनाल, एमाओबादीका रामबहादुर रायमाझि,राष्ट्रिय जनमोर्चाका सचिब पशुपति ढकाल, अन्तरपाटी महिला सञ्जालका छमकुमारी थापा, शुसिला गैरे, कल्पना पोख्रेल, माया नेपाली लगायतले मन्तब्य राखेका थिए ।
कार्यक्रम अन्तरपाटी महिला सञ्जालकी जिल्ला अध्यक्ष शान्ता भण्डारीको अध्यक्षता, ईश्वरा पोख्रेलको स्वागत मन्तब्य र सिता बिकको सञ्चालनमा सम्पन्न भएको हो ।
आषाढ़ १४ गते, २०७२ मा प्रकाशित
