शोभाखर पन्थी
सन्धिखर्क, अर्घाखाँची । अनेरास्ववियु अर्घाखाँचीको अध्यक्षमा प्रदिप नेपाली चयन हुनु भएको छ । अनेरास्ववियुको भेलाले पुरानो कार्यसमिती विघटन गरी विद्यार्थी नेता नेपालीको अध्यक्षतामा १९ सदस्यीय सम्मेलन आयोजक कमिटी चयन गरेको हो । समितिको अर्को बैठकले पदाधिकारी चयन गर्ने अध्यक्ष नेपालीले बताउनु भयो ।
कार्यक्रममा मन्तव्य राख्दै एमाले का.वा .अध्यक्ष जिवनारायण कोईरालाले शिक्षामा भएको व्यापारिकरणको अन्त्यको निम्ती एकजुट भएर अगाडी बढ्न आग्रह गर्नुभयो ।
कार्यक्रममा एमाले उपसचिव प्रेमनारायण गैरे , अनेरास्ववियुका केन्द्रिय सचिवालय सदस्य बसन्त ढकाल ,केन्द्रिय सदस्य लिल बहादुर वि.क . लगायतले मन्तव्य राख्नु भएको थियो । कार्यक्रम भरत न्यौपानेको अध्यक्षता र प्रदिप नेपाली को संचालनमा सम्पन्न भएको थियो ।
जानकारी: कृपया यहाँ राखेका कुनै पनि समाचार अनुमती बिना पुन: प्रकासित गर्न मनाही छ।
श्रावण १७ गते, २०७२ मा प्रकाशित
