ठाडामा जीप दुर्घटनामा हुँदा एक जनाको मृत्‍यु, १३ घाईते

ठाडा, अर्घाखाँची ।  गोरुसिङ्गे सन्धिखर्क सडक खण्डको ठाडामा जीप दुर्घटना हुदाँ एक जनाको ज्यान गएको छ ।  सुपादेउराली बाट चन्द्रौटा तर्फ जाँदै गरेको लु .१ ज . २५६३ नम्वरको जीप ठाडा-३ को कोप्चेबासमा दुर्घटना हुँदा  गाडीचालक तौलिहवा नगरपालिका १ कपिलबस्तुका ३२ बर्षिय रामदाहाल झाडीको घटनास्थलमै ज्यान गएको हो । 

दुर्घटनामा १३ जना यात्रु घाईते भएका छन् । घाईतेहरु मध्ये एक बच्चा सहितका ४ जना गंभिर घाईतेलाई थप उपचारको लागी बुटवल पठाईएको छ । अन्य घाईतेहरुको प्राथमिक स्वास्थ केन्द्र ठाडामा उपचार भैरहेको ईलाका प्रहरी कार्यालय ठाडाका प्रमुख प्रहरी निरिक्षक किसन प्रसाद खनालले बताउनु भयो । 

अर्घाखाँचीको प्रसिद्ध सुपादेउराली मन्दिरको दर्शन गरेर फर्कदै गरेको रीजर्व जिप अपरान्ह ४ बजे सडकमै पल्टिएर दुर्घटनाग्रस्त भएको थियो । गाडीको पछाडीको पाङ्गा एक्कासी फुत्किएर गाडी दुर्घटना भएको प्रहरीको प्रारम्भिक अनुमान छ ।