चुत्राबेसी, अर्घाखाँची । अर्घाखाँची जिल्लाको सन्धिखर्क नगरपालिका – २ मा मंगलबार राति साँढे ११ बजे दुईवटा मोटरसाइकलमा आगजनी भएको छ। आगजनीबाट मोटरसाइकल पूर्ण रुपमा क्षती भएको छ ।
तस्बिर: फेसबूकबाट
चुत्राबेसी बजारको एभरेष्ट बैंक नजिकै पार्किङ गरिराखेका लु४प २७२५ र लु११प ७७८२ नम्बरको मोटरसाइकलमा आगजनी भएको हो ।
आगो स्थानियहरुको सहयोगमा नियन्त्रणमा आएको थियो । थाहा भए अनुसार लु११प ७७८२ नम्बरको मोटरसाइकल धनी दामोदर भटराई शिक्षक हुन् भने लु४प २७२५ नम्बरको मोटरसाइकल धनी जगत भुसाल स्थानीय ब्यापारी हुन् ।
पार्किङ गरी राखेको मोटरसाइकल अज्ञात समूहले पार्किङ स्थानबाट करिब सय मिटर टाढा लागेर आगजनी गर्दा लु.११ प ७७८२ नम्वरको मोटरसाइकल पूर्णरुपमा जलेर क्षति भएको थियो भने लु.४ प २७२५ नम्वरको मोटरसाइकलको टायर जलेर क्षति भएको थियो ।
साथै मोटरसाइकलमा आगो लगाउने फरार व्यक्तिहरुको खोजतलास गर्नुको साथै यस सम्बन्धमा आवश्यक अनुसन्धान भइरहेको जिल्ला प्रहरी कार्यालय अर्घाखाँचीले जनाएको छ।
श्रावण २० गते, २०७२ मा प्रकाशित
