शोभाखर पन्थी
सन्धिखर्क, अर्घाखाँची । अर्घाखाँची जिल्लाको सदरमुकाम सन्धिखर्कको चुत्रावेसी बजारमा मध्यरातमा घरमा राखेका २ वटा मोटरसाइकलमा आगजनी भएपछि सन्धिखर्कका बासिन्दाले आफूलाई असुरक्षित महसुस गरेका छन् ।
सन्धिखर्क नगरपालिका -२ को चुत्रावेसी स्थित एभरेष्ट बैकं अगाड्री पार्किङ्ग गरीराखेको २ वटा मोटरसाइकल अज्ञात समुहले मंगलबार मध्यरातमा पार्किङ्ग गरेको ठाउँदेख्री झण्डै ५० मिटर टाढा लगि जलाईदिएको हो ।
जिल्ला प्रहरी कार्यालय अर्घाखाँची निमित्त प्रमुख प्रहरी निरीक्षक युवराज तिमिल्सीनाले घट्नालाई प्रहरीले गंभिर रुपमा लिएको बताउँदै केही ब्यक्तिलाई हिरासतमा राखेर अनुसन्धान सुरु गरेको बताउनु भयो । उहाँले केहीघण्टामै दोसीलाई पक्रन प्रहरी सफल हुने दावी समेत गर्नुभयो ।
अज्ञात समुहले प्रभाकर मा.वि.हिले, धारापानी का शिक्षक दामोदर भट्टराइ को लु .११ प. ७७८२ नम्बरको हिरो होण्डा स्पेलेन्डर मोटरसाइकल र किमडाँडा दुध डेरी चुत्रावेसीका जगत प्रसाद भुसाल को लु. ४ प .२७२५ नम्बरको यामाहा क्रक्स को मोटरसाइकल मा आगो लगाइ क्षति पूर्याएको हो ।
श्रावण २० गते, २०७२ मा प्रकाशित
