चुत्राबेशी, अर्घाखाँची । अर्घाखाँचीको सन्धिखर्कमा रहेको नेपालकै एक मात्र स्फटिक धातुको शिबलिंग रहेको सिद्धेश्वर शिबालय मन्दिर भक्तिटोला, चुत्राबेसीमा आज साउनको सोमबार बिहानै देखि भक्तजनको घुइँचो लागेको छ ।
सुख, शान्ति तथा सौभाग्यको कामना गर्दै हरियो बस्त्र र आभूषणमा सजिएका महिलाहरुको विशेष घुइँचो लागेको छ ।
यहाँ साउन महिनाभर बोलबम मेला लागिरहेको छ ।
महादेव मन्दिरहरुमा श्रावण महिनाको सोमबारका दिन पूजा पाठ गरे मनोकांक्षा पूरा हुने जनविश्वास छ । त्रेतायुगमा माता पार्वतीले भगवान शिवलाई बरको रुपमा प्राप्त गर्नका लागि १६ सोमवारी ब्रत गरेको कुरा शिवपुराणमा उल्लेख छ ।
Preamnarayan Acharya in Arghakhanchi contributed to this report.
श्रावण ३२ गते, २०७२ मा प्रकाशित
