अर्घाखाँचीको सितापुरमा एमालेको कार्यकर्ता भेला तथा पार्टी प्रबेश गरेकालाई अभिनन्दन कार्यक्रम सम्पन्न

सितापुर, अर्घाखाँची (अर्घाखाँची डट्कम) । अर्घाखाँची जिल्लाको सितापुर गाबिसमा नेकपा एमालेको आयोजनामा अगुवा कार्यकर्ता भेला तथा पार्टी प्रबेश गरेकालाई अभिनन्दन कार्यक्रम सम्पन्न भएको छ । 

नेकपा एमाले जिल्ला कमिटीका कार्यबाहक अध्यक्ष जीव नारायण कोईरालाको प्रमुख अतिथि, जिल्ला कमिटीका उप सचिव प्रेम नारायण गैरेको विशेष आथित्वमा भएको कार्यक्रममा जिल्ला कमिटी सचिवालय सदस्य  बसन्त श्रेष्ठ, गोवर्दन थापा, क्षेत्रिय सदस्य कासी क्षेत्री, पार्टी प्रवेश गरी अभिनन्दित भएका सितापुर गाबिसका पुर्व गाबिस अध्यक्ष अंमर प्रसाद न्यौपाने लगायतले पार्टी बहुदलिय जनवाद नितिको प्रभाव, सामाजिक बिकास र पार्टीमा बढदो जनलहरका बारेमा चर्चा गरेका थिए । 

सितापुर गाबिसका १०० भन्दा बढी पार्टी अगुवा कार्यकर्ताहरुको सहभागीता भएको भेलामा नेकपा माओवादीका पुर्व नेता सितापुर गाबिसका पुर्व अध्यक्ष अम्मर प्रसाद नौपाने माओवादी परित्याग गरी एमालेमा प्रवेश गरेकोमा अभिनन्दन गरी पार्टीमा स्वागत गरिएको थियो ।