शोभाखर पन्थी
डिहिडाँडा, सन्धिखर्क । खाँचीकोट युवाक्लवको आयोजना र दिगो आमा समुहको सहयोगमा अर्घाखाँची जिल्लाको सन्धिखर्क ९ को डिहिडाँडामा खुल्ला तिज गीत प्रतियोगिता सम्पन्न भएको छ।
प्रतियोगितामा चन्द्र प्रभा उ.मा.वि. को समुह प्रथम, दिगो आमा समुह द्वितीय, विहानी बालक्लव तृतीय र लालीगुँरास समुह तृतीय भएका छन् । कार्यक्रममा मन्तव्य राख्दै नेपाली कांग्रेसका जिल्ला सभापति कमलप्रसाद भुसाल, सचिव बासुदेव आचार्यले लोक संस्कृतिको जर्गेनाको निम्ति सवै पक्षको ध्यान जानुपर्ने बताउनु भयो ।
उमेश के.सी को अध्यक्षता र समाज सेवी शिद्धिप्रसाद भट्टराईको प्रमुख आतिथ्यतामा सम्पन्न कार्यक्रममा कांग्रेस खाँचीकोटका सभापति विष्णु प्रसाद भुसाल, तिर्थराज आचार्य, बसन्त परियार मिरा कौशल, युवक शाह, रविन आचार्य, लगायतले मन्तव्य राख्नु भएको थियो । कार्यक्रममा १० समुहको सहभागिता रहेको थियो ।
भाद्र ६ गते, २०७२ मा प्रकाशित
