तीज आउन ३ हप्ता बाँकी छँदै अर्घाखाँचीमा तिज गीत घन्कन थाले

सन्धिखर्क, अर्घाखाँची । हिन्दु नेपाली महिलाहरुको महान पर्व तिज आउन करिव ३ हप्ता बाँकी छँदै अर्घाखाँची जिल्लाका ग्रामिण क्षेत्रमा भने परम्परागत तिजगीत घन्कन थालेका छन् ।

यहाँका दिदि बहिनीहरुले घाँसदाँउरा र मेलापात गर्दा समेत तिजगित घन्काउने गरेका छन् भने साँझको समयमा टोल छिमेकमा जम्मा भएर तिजगित गाई मनोरञ्जन लिनेकाम समेत भई रहेको देख्न पाइन्छ ।

यहाँका महिलाहरुले तिजगितमा महिला अधिकार, श्रीमान्ले श्रीमतीलाई गर्ने दुव्र्यवहार सासु बुहारीको झगडा मात्र होइन शान्ती र संविधानका कुरा समेत उठाउने गरेका छन् ।

पछिल्ला वर्षहरुमा जिल्लामा तिज पर्वको अवसर पारी विभिन्न तिजगित प्रतियोगिता समेत गर्ने प्रचलन बढ्दै गएको छ । जिल्लामा महिला समुह तथा विभिन्न क्लवहरुले यस्ता प्रतियोगिता सञ्चालन गर्ने गर्दछन् ।