फिलिपिन्समा आएको शक्तिशाली आँधीमा परी मृत्यु हुनेको संख्या २६ पुगेको छ ।
उत्तरी फिलिपिन्समा आएको शक्तिशाली आँधी गोनीका कारण दुर्गम गाउँ मन्कायानमा पहिरो गएको छ । पहिरोमा परेका १३ जनालाई भने उद्धार गरिएको छ ।
आँधीका कारण फिलिपिन्सका अधिकांश शहरको जनजीवन प्रभावित हुनुका साथै शैक्षिक संस्था, यातायात र हवाई सेवा समेत अवरुद्ध बनेको छ ।
आँधी प्रभावित सयौं सर्वसाधारणलाई सुरक्षित स्थानतर्फ सारिएको छ । आँधीले ठाउँ ठाउँमा बिजुलीका पोल ढलेकाले बिजुली आपूर्ति बन्द भएको छ । (एजेन्सी)
भाद्र ८ गते, २०७२ मा प्रकाशित
