कृष्ण परियार
असुरकोट, अर्घाखाँची । महिला दिदि बहिनीहरुको महान पर्व हरितालिका तिज नजिकिदै गर्दा विभिन्न ठाउँमा यतिवेला तिजको रौनक बढ्न थालेको छ । विभिन्न आमा समुह ,विभिन्न क्लवहरु र महिला समुहको आयोजनामा विभिन्न ठाउँहरुमा तिज प्रतियोगिता हुन थालेका छन् ।
तिजको अवसरमा अन्तर पाटी महिला संजाल असुरकोटको आयोजनामा असुरकोटको पौवामा तिज गित प्रतियोगिता सम्पन्न भएको छ । सरसफाई तथा महिला साक्षरता विषयक तिज गित प्रतियोगितामा विभिन्न १९ ओटा समुृहहरुको सहभागिता रहेको थियो ।
अन्तर पाटी महिला संजालकि अध्यक्ष कमला बेलवासेको अध्यक्षता रहेको कार्यक्रमको प्रमुख अतिथीतीमा गाविस सचिव मदन बेलवासे रहनु भएको थियो । कार्यक्रममा नेपाली काग्रेस गाउ समिति उपाध्यक्ष हिमलाल बन्जाडे, नेकपा एमाले प्रतिनिधि जेदु भण्डारी , एमाओवादी प्रतिनिधि मोहन भट्टराई र राजमोका तुल्सिराम बेलवासे लगायतको विशिष्ट आथित्यता रहेको थियो ।
संजालकी सचिव यमा श्रेष्ठको स्वागत मन्तव्य र नेपाल महिला संघ जिल्ला सचिव तथा महिला संजाल असुरकोटकी सह सचिव संगिता बेलवासेको् सञ्चालनमा कार्यक्रम संपन्न भएको थियो । स्थानिय स्तरका विभिन्न संघ संस्था ,वुद्धिजिवि , सुरक्षा निकाय र महिलाहरुको बाक्लो सहभागिता रहेको कार्यक्रममा जनचेतनामुलक गितहरु प्रस्तुत गरी सहभागिहरुलाई छमछमी नचाएका थिए ।
नुवाकोटको हटियामा गाईजात्रा पर्व
नुवाकोटको हटिया बजारमा गाईजात्रा पर्वको अवसरमा नेवारी जातिले गाईजात्रा पर्व मनाएका छन् । एक बर्ष भित्र मृत्यु भएकाको सम्झनामा मनाईने यो पर्व नुवाकोटमा पनि मनाईएको हो । सोमवार नुवाकोटको भैरव मन्दिरको आयोजनामा रोपाईजात्रा हुने मन्दिर व्यवस्थापन समिति अध्यक्ष कुमार श्रेष्ठले बताए ।
भाद्र १४ गते, २०७२ मा प्रकाशित
