सन्धिखर्क, अर्घाखाँची (अर्घाखाँची डट्कम)। अर्घाखाँची जिल्लाको नुवाकोट गाविस वार्ड नं. ४ स्थित चिउरामाटीमा बुधवार बिहान बाघको आक्रमणमा परी एक बालिका घाईते भएकी छन् । उनको अवस्था चिन्ताजनक रहेको छ ।
बाघको आक्रमणबाट स्थानिय नारायण गैरेकी ५ वर्षिया छोरी अन्जु गैरे घाईते भएकी हुन ।
बालिकालाई बिहान करिव साँढे ६ बजे घरको आगन छेउमा बसिरहेको अवस्थामा एकास्सी बाघले आक्रमण गरेको हो । उनको जिल्ला अस्पताल सन्धिखर्कमा उपचार हुन नसक्दा भैरहवा स्थित युनिभर्सल मेडिकल कलेज लगिएको छ ।
ढिकुरा गाबिसको सुर्सिङ र पियाले लगायत
यसअघि गत महिना श्रावण २६ गते सोही चिउरामाटी गाउँमा बाघको आक्रमणमा परी एक बालिका घाईते भएकी थिईन । बाघको आक्रमणमा परी ११ बर्षिया अस्मिता गैरे घाईते भएकी थिईन । उनलाई पनि घरको आगनमा खेलिरहेको अवस्थामा बाघले आक्रमण गरेको थियो ।
यसैगरी गत वर्ष नुवाकोट गाविसको वार्ड नं. ४ सुरसिंगमा दुर्गा बहादुर नेपालीको छोरा ३ बर्षिय नारायण नेपाली पिताम्बर नेपालीको छोरा ६ बर्षिय उमेश नेपालीलाइ बाघले खाएको थियो ।
अर्घाखाँचीमा अहिले पनि बाघले आंतक मञ्चाउन क्रममा नरोकीएपछि स्थानीय बासिन्दाहरु त्रसित बनेका छन् ।
भाद्र १६ गते, २०७२ मा प्रकाशित
